1At Sāvatthī.

Then as Anuruddha was in private retreat this thought came to his mind:

“Whoever has missed out on these four kinds of mindfulness meditation has missed out on the noble path to the complete ending of suffering. Whoever has undertaken these four kinds of mindfulness meditation has undertaken the noble path to the complete ending of suffering.”

2Then Venerable Mahāmoggallāna knew what Venerable Anuruddha was thinking. As easily as a strong person would extend or contract their arm, he reappeared in front of Anuruddha and said to him:

3“Reverend Anuruddha, how do you define the undertaking of the four kinds of mindfulness meditation by a mendicant?”

4“Reverend, it’s when a mendicant meditates by observing an aspect of the body internally — keen, aware, and mindful, rid of desire and aversion for the world. They meditate observing an aspect of the body externally … internally and externally — keen, aware, and mindful, rid of desire and aversion for the world.

5They meditate observing an aspect of feelings internally … externally … internally and externally …

6They meditate observing an aspect of the mind internally … externally … internally and externally …

7They meditate observing an aspect of principles internally … externally … internally and externally — keen, aware, and mindful, rid of desire and aversion for the world.

That’s how to define the undertaking of the four kinds of mindfulness meditation by a mendicant.”

1Sāvatthinidānaṁ.

Atha kho āyasmato anuruddhassa rahogatassa paṭisallīnassa evaṁ cetaso parivitakko udapādi:

"yesaṁ kesañci cattāro satipaṭṭhānā viraddhā, viraddho tesaṁ ariyo maggo sammā dukkhakkhayagāmī; yesaṁ kesañci cattāro satipaṭṭhānā āraddhā, āraddho tesaṁ ariyo maggo sammā dukkhakkhayagāmī"ti.

2Atha kho āyasmā mahāmoggallāno āyasmato anuruddhassa cetasā cetoparivitakkamaññāya – seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva – āyasmato anuruddhassa sammukhe pāturahosi.

3Atha kho āyasmā mahāmoggallāno āyasmantaṁ anuruddhaṁ etadavoca: "kittāvatā nu kho, āvuso anuruddha, bhikkhuno cattāro satipaṭṭhānā āraddhā hontī"ti?

4"Idhāvuso, bhikkhu ajjhattaṁ kāye kāyānupassī vihārati ātāpī sampajāno satimā, vineyya loke abhijjhādomanassaṁ. Bahiddhā kāye kāyānupassī vihārati … pe … ajjhattabahiddhā kāye kāyānupassī vihārati ātāpī sampajāno satimā, vineyya loke abhijjhādomanassaṁ.

5Ajjhattaṁ vedanāsu vedanānupassī vihārati ātāpī sampajāno satimā, vineyya loke abhijjhādomanassaṁ. Bahiddhā vedanāsu vedanānupassī vihārati ātāpī sampajāno satimā, vineyya loke abhijjhādomanassaṁ. Ajjhattabahiddhā vedanāsu vedanānupassī vihārati ātāpī sampajāno satimā, vineyya loke abhijjhādomanassaṁ.

6Ajjhattaṁ citte … pe … bahiddhā citte … pe … ajjhattabahiddhā citte cittānupassī vihārati ātāpī sampajāno satimā, vineyya loke abhijjhādomanassaṁ.

7Ajjhattaṁ dhammesu … pe … bahiddhā dhammesu … pe … ajjhattabahiddhā dhammesu dhammānupassī vihārati ātāpī sampajāno satimā, vineyya loke abhijjhādomanassaṁ.

Ettāvatā kho, āvuso, bhikkhuno cattāro satipaṭṭhānā āraddhā hontī"ti.

Dutiyaṁ.