1“Suppose, mendicants, a donkey followed behind a herd of cattle, thinking: ‘I can moo too! I can moo too!’ But it doesn’t look like a cow, or sound like a cow, or leave a footprint like a cow. Still it follows behind a herd of cattle, thinking: ‘I can moo too! I can moo too!’

2In the same way, some mendicant follows behind the mendicant Saṅgha, thinking: ‘I’m a monk too! I’m a monk too!’ But they don’t have the same enthusiasm for undertaking the training in the higher ethics, the higher mind, and the higher wisdom as the other mendicants. Still they follow behind the mendicant Saṇgha, thinking: ‘I’m a monk too! I’m a monk too!’

3So you should train like this: ‘We will have keen enthusiasm for undertaking the training in the higher ethics, the higher mind, and the higher wisdom.’ That’s how you should train.”

1"Seyyathāpi, bhikkhave, gadrabho gogaṇaṁ piṭṭhito piṭṭhito anubandho hoti:  ‘ahampi dammo, ahampi dammo’ti. Tassa na tādiso vaṇṇo hoti seyyathāpi gunnaṁ, na tādiso saro hoti seyyathāpi gunnaṁ, na tādisaṁ padaṁ hoti seyyathāpi gunnaṁ. So gogaṇaṁyeva piṭṭhito piṭṭhito anubandho hoti:  ‘ahampi dammo, ahampi dammo’ti.

2Evamevaṁ kho, bhikkhave, idhekacco bhikkhu bhikkhusanghaṁ piṭṭhito piṭṭhito anubandho hoti:  ‘ahampi bhikkhu, ahampi bhikkhū’ti. Tassa na tādiso chando hoti adhisīla­sikkhāsamādāne seyyathāpi aññesaṁ bhikkhūnaṁ, na tādiso chando hoti adhicitta­sikkhāsamādāne seyyathāpi aññesaṁ bhikkhūnaṁ, na tādiso chando hoti adhipaññā­sikkhāsamādāne seyyathāpi aññesaṁ bhikkhūnaṁ. So bhikkhusanghaṁyeva piṭṭhito piṭṭhito anubandho hoti:  ‘ahampi bhikkhu, ahampi bhikkhū’ti.

3Tasmātiha, bhikkhave, evaṁ sikkhitabbaṁ:  ‘tibbo no chando bhavissati adhisīla­sikkhāsamādāne, tibbo no chando bhavissati adhicitta­sikkhāsamādāne, tibbo no chando bhavissati adhipaññā­sikkhāsamādāne’ti. Evañhi vo, bhikkhave, sikkhitabban"ti.

Dutiyaṁ.